👈👈الشيرب وكيفيه تحديده واستخداماته
👈👈ما هو الشيرب؟؟
--------------------------
علامه مثلث مقلوب نعملها على الحوائط علشان ننسب منها الشغل بتاعنا ..
👈👈.ازاى بنحدده ؟؟
بدايه اي مشروع بيكون فيه نقطه الصفر المعمارى بنشغل منها وغالبا بتكون عمود اناره او رصيف الشارع نقطه معلومه لينا كلنا بنطلع منها 1 متر ونبدأ ننقلها علي كل جزء ف المبني علشان ننسب منها الشغل زي الاعمده وظبط منسوب السقف وووو....
👈👈.ازاي هننقل الشيرب؟؟
عن طريق ميزان القامه (هنتكلم عليه ف بوست تانى ) او ميزان الخرطوم
احنا في سترايكر بننقل الشيرب عند السلم ومن خلال ميزان الخطوم نبدأ ننقل الشرب داخل الشقه ونعمل علامه الشيرب (المثلث المقلوب ) على جميع الحوائط وف المطبخ والحمام والشيرب دا بيكون على ارتفاع 1 متر من التشطيب ,ولو هشطب شقه ومفيش شيرب خالص ف الدور علشان انقله هاجي قدام مدخل الشقه عند السلم وهعمل علامه على ارتفاع 1.10 متر من ارضيه الخرسانه ( 10 cm تشطيب ) وابدأ انقل الشرب داخل الشقه علي الحوائط واشتغل عليه.
👈👈بستخدم الشيرب ف ايه ؟؟؟
🔸ظبط منسوب بلاط الارضيات...
*, تركيب الاسقف المعلقه علي ارتفاع معين
*, تعيين منسوب اعتاب الابوب علشان بيبقو كلهم ف مستوي واحد(وخللي بالك من النقطه دى اوي خصوصا لو هتركب ابواب جاهزه علشان لو الاعتاب مش علي ارتفاع ثابت هتضطر تكسر عند الاعتاب علشان تعرف تركب الابواب )
*, تحدييد منسوب حلوق الابواب اللي بيبقي ارتفاعها 2.2 متر او بمعني اخر بطلع من الشيرب مسافه 1.2 متر وابقي كدا حددت منسوب الحلوق
*, ظبط علب الكهربا والبرايز علشان يكيونو ف منسوب واحد لغرض الشكل الجمالي
*, بظبط منه مسنوب البيبه وميول مواسير الصرف للحمامات ( ميل 1 cm لكل متر )
وفي حاله لو البلاطه مش متهبطه عن السقف هتقابلك ان مواسير الصرف عاليه
👈👈طب نعمل ايه ؟؟؟
اما انك تعلي منسوب الشقه بالكامل او تعلي منسوب الحمام فقط عن الشقه وتركب معبره بسمك اكبر عند باب الحمام
تعليقات